महाराष्ट्र

वन अधिकारी हरवले गोव्यात सापडले पंढरपूरात

पंढरपूर पोलीसांच्या शोध मोहिमेला यश

 

पंढरपूर : गोवा वनविभागात कार्यरत असलेले अधिकारी योगेश बिटीयो वेळीप (वय २८ रा. पनसुलेमळ, कोतीगाव कानकोटा दक्षिण गोवा) हे अचानकपणे २७ फेब्रुवारी रोजी हरवले. याबबत कानकोना पोलिस स्टेशनला मिसिंग दाखल करण्यात आले. सदरची व्यक्ती ही सोलापुर जिल्ह्यात असल्याची प्राथमिक माहिती पोलीस नियंत्रण कक्षाला मिळाली होती.

यामुळे सदर हरवलेल्या वन अधिका-याचा शोध घेण्याच्या सुचना पंढरपूरचे उपविभागीय पोलीस अधिकारी विक्रम कदम यांनी शहर पोलीसांना दिल्या. यानुसार पो. नि. अरुण पवार यांच्या मार्गदर्शनाखाली दोन टीम केल्या. वन अधिका-यांची शोधमोहीम राबवण्यात आली.

पो नि राजेंद्र मगदुम, उपनिरिक्षक प्रशांत भागवत, पो हवा. देढे, पाटील, सागर माने आदींनी तांञिक विश्लेषणाचे आधार सदर वन अधिका-यास २ मार्च रोजी रात्री दीड वाजणेच्या सुमारास महाद्वार रोड येथील भक्त निवास मधून ताब्यात घेतले. याचबरोबर कानकोना पोलिस स्टेशनचे पो नि नाईल यांच्याशी संपर्क साधत गोवा पोलीस हवालदार दिपक गावकर व भाऊ दशरथ बिटीयो यांच्या ताब्यात दिले. माहिती मिळाल्यापासून एका तासात शोधमोहीम पार पाडल्याने पंढरपूर पोलीसांचे सर्व स्तरातुन कौतुक होत आहे.

पंढरपूर पोलीसांनी वन अधिकारी योगेश बिटीयो यांना शोधुन काढल्यानंतर ते पंढरपूरपर्यंत कसे आले, याबाबत तपास केला. शनिवारी २७ फेब्रुवारी रोजी ते ड्युटीवर होते. पंढरपूरला कसे आलो हे आठवत नसल्याचे त्यांनी सांगितले. पंढरपूरच्या अगोदर लोणावळा येथील एकविरा देवीला देखील गेल्याचे त्यांनी सांगितले. सर्व प्रवास बसने केल्याची माहिती समोर आली आहे. मात्र ते इथे येण्याचे कारण काय…. कोणी आणले….? याचा तपास पोलीस करीत आहेत.

Leave a Reply

Your email address will not be published. Required fields are marked *

Back to top button
कॉपी करू नका